KONTSUMO TAILERRAK

Kaixo:

Oraingoan, astean zehar izan ditugun kontsumo tailerren berri ematera gatoz.

Asteazkenean JOLASAK ETA JOSTAILUAK landu genituen eta denon artean jolas kooperatibo bat eraiki genuen. Antzarraren jolasaren antza du eta froga desberdinak egin behar dira aurrera joateko.
Primeran pasatu genuen:

Ostegunean berriz,LITXARRERIEI buruzko ikastaroa izan genuen eta goxoki naturalak nola egin ikasi genuen besteak beste.

Denon artean  goxokiak egin genituen, batzuk naturalak zukuekin eta beste batzuk lantegietan bezalaxe, artifizialak.

 

TURISMO BULEGOA

Dakizuen bezala, azaroaren 20an turismo bulegora irteera egin genuen. Bertako Edurnek Oñatiko txoko desberdinak erakutsi zizkigun eta oso gustora egon ginen.
Zelako zortea dugun Oñati bezalako herri batean bizitzeaz!!

Lehenengo turismo bulegoan dagoen antzinako errota erakutsi zigun Edurnek:

Gero Unibertsitatera joan ginen eta gauza dexente ikasi genituen: Rodrigo Mercado de Zuazola apezpikuak sortu zuela 1542 urte inguruan, arkitekto eta hargin frantsez batek ere hartu zuela parte eraikuntzan, gargola bereziak dituela, Herkules pertsonai mitologikoa askotan agertzen dela, ... Ikusi ikusi:

 Rodrigo Mercado de Zuazolaren armarria.

Unibertsitatetik  hamarretakoa egitera joan ginen:

Gero Oñatiko Parrokia ikustera joan ginen.

Bertan Pedro de Gebararen alabastrozko hilobi ikusgarria erakutsi ziguten:

Rodrigo Merkado de Zuazolak Pietatearen kaperan (altareta begira ezkerretara) eraikitako mausoleoa ere ikusi genuen:

Baita klaustro eder eta berezia ere, errekak zeharkatzen duen bakarretakoa bait da.

Ondoren, Kale Barrian gora joan ginen herriko fatxada desberdinetan dauden armarriak ikusiaz, Santa Marinako enparantzara iritsi arte.

Edurnek esan zigunez, berau izan zen Oñatiko lehendabiziko enparantza nagusia. Horrela adierazten dute gainera bertatik ateratzen diren zazpi kaleek.

Eskerrik asko Turismo Bulegoko Edurneri emandako azalpen guztiengatik.

GURE GAZTELUA

Erdi Aroan murgildurik gabiltza eta gure gela eta pasiloa ere oso txukun ari dira geratzen.
Denon artean ikusi nolako gaztelua egin dugun 2. mailako ikasleok.

Gaztelua zaintzen  gure  ZALDUNTXO  jarri dugu, eta bati baino gehiagori eman dio susto galanta!!

Eta azkenik, hona hemen  2. mailako lagun taldeak eraikitako gaztelua! 

ERDI AROA: bideo eta jolasak

Erdi Aroaren gaia lantzen ari garenetik material osagarri ugari erabiltzen ari gara.
Etxean ere eskuragarri izateko, hona hemen proposamen batzuk:


- ALEX ETA ALEXIS en bideoak:

- CABALLEROS  Y  CASTILLOS


                                          

LAU TEILATU

Koaderno ibiltariak ideia asko ematen dizkigu eta urrian proposatu ziguten kanta bat jarriko dugu oraingoan gure blogean.

ITOIZ taldearen  LAU TEILATU izeneko kanta mitikoa dugu oraingoan esku artean. Ederra benetan gaurko proposamena ere!

ERDI AROA

Kaixo:
Jakingo duzuenez, Erdi Aroa lantzen ari gara eta guztiz murgilduta gabiltza garai hartako gauzak ikasten: nola bizi ziren, ze eraikuntza mota zeuden, ... 

Dagoeneko, gure Txoko Zuria ere bete dugu etxetik ekarritako material desberdinekin, ikusi...

Kaixo, como sabréis estamos trabajando el tema de la Edad media y aprendiendo mucho sobre ella: cómo vivían, que tipo de edificios había en dicha época...

Hemos llenado nuestro "Txoko Zuria", mirad...

Etxetik  mozorro eta tresna ugari ekarri dituzue,  dotoreak gainera!!

Eta guk gelan eskulan desberdinak egingo ditugu, gela apaintzeko lehio dotoreak (bidrierak) esaterako:

Etxean material birziklatuz egindako esku lan dotoreak ere ekarri dizkigute. Ikusgarria benetan!

 Baita  gaztelu  goxo goxoak ere!! ummmmm

Asko ari gara ikasten eta oraindik sorpresaren bat edo beste gelditzen zaigu!!
Zer izango ote da??